Por Lëvizja Vetëvendosje tha edhe sot se protesta e 14 janarit në pikat kufitare Merdare dhe Dheu i Bardhë, do të jetë paqësore.
Kryetari i saj, Albin Kurti tha se qytetarët që do të dalin në protestë, nuk do t’i provokojnë policinë e Kosovës, pasi që kjo protestë nuk është kundër tyre, por kundër Serbisë, prandaj pret të njëjtën reagim edhe nga forcat e rendit. Ai mohoi se protestuesit do t’i bllokojnë rrugët dhe lëvizjen e qytetarëve, por tha se nuk do të lejojnë që automjetet me targa serbe që bartin mall nga ky shtet të futën në Kosovë. Kurti tha se nuk pret që situata të eskaloi, sepse nuk sheh arsye për diçka të tillë. Ai përmendi një numër organizatash nga Kosova Shqipëria dhe Maqedonia të cilat do t’i bashkohen protestës së nesërme. Duke u përgjigjur në akuzat e kryeministrit Hashim Thaçi, i cili tha se ka të atillë në Vetëvendosje që nuk kanë pranuar të vësh uniformen e UCK-së, Rexhep Selimi tha se Thaçi mund të ketë probleme dhe të mos i kujtohen ngjarjet e asaj kohe, sepse shumicën e kohës nuk ka qenë në Kosovë gjatë periudhës së luftës.

< Paraprake		Pasuese >