Pjestarë të Policisë së Kosovës janë sulmuar fizikisht nga disa qytetar në Ferizaj. Ngjarja ka ndohur derisa policia po kryente një bastisje në restorant “Tina” nën dyshimin se një person posedon armë. Njësiti policor gjatë bastisjes ka identifikuar personin që posedonte armë i cili ishte së bashku edhe me tre të dyshuar të tjerë. Të njëjtit kanë refuzuar që të kontrolloheshin dhe kanë filluar që t’i sulmojnë policët ku njëri nga të dyshuarit ka tentuar që të nxjerr revolen nga brezi mirëpo është penguar dhe i është marrë arma. Një i dyshuar tjetër ka hedhë një karrige në drejtim të policëve me ç’rast lëndime trupore kanë pësuar tre zyrtar të PK-së të cilët kanë pranuar tretman mjekësor. Gjatë arrestimit të dy të dyshuarve është përdorur Sprej pasi që të njëjtit kanë qenë agresiv. Me urdhër të prokurorit dy të dyshuarit janë arrestuar.

< Paraprake		Pasuese >