E Forumi Rinor i LDK-së, dega në Podujevë ka kërkuar dorëheqjen e Agim Veliut nga pozita e kryetarit të degës së kësaj partie. Në arsyetimin e forumit rinor, thuhet se Veliu ka bërë shkelje të rënda të Statutit të LDK-së dhe të programit të saj në shumë raste nëpërmjet veprimeve destruktive që ndërlidhen me organizimin dhe aktivitetin e anëtarësisë së LDK-së, Dega në Podujevë. Rizgjedhja në krye të degës së LDK-së në Podujevë, sic thuhet është bërë pas një sërë manipulimesh gjatë procesit zgjedhor. Po ashtu Veliu akuzohet se po u shërben përçarjeve dhe eliminimeve të aktivistëve të LDK-së në Podujevë.

< Paraprake		Pasuese >