Shefja e politikës së Jashtme e Bashkimit Evropian Catherine Ashton po qëndron në Prishtinë. Ajo vizitoi selinë e Eulexit, ku u prit nga kreu i këtij misioni Gzavie Bu dë Marnak. Ashton deklaroi se 27 vendet anëtare të BE-së përkrahin Eulexin dhe veprimtarinë e këtij misioni, në kuadër të sundimit të ligjit. Baronesha Ashton deklaroi se përballja me çështjet ligjore është e rëndësishme dhe kritike për të ardhmen e Kosovës. Sipas saj sundimi i ligjit është parakusht esencial për ambiciet e Prishtinës karshi integrimeve evropiane. Shefja e diplomacisë evropiane, paradite u takua edhe me kryeministrin Hashim Thaçi, me të cilin tha se ka diskutuar për të ardhmen e Kosovës. Gjatë ditës ajo do të takohet edhe me zv.kryeministren Edita Tahiri, me ministrin e Punëve të Jashtme, Enver Hoxhaj, dhe atë të Integrimeve Evropiane, Vlora Çitaku. Pasdite ajo do të qëndroj edhe në Prizren, ku pritet të vizitojë edhe kishën Levishka ku e pret igumeni Sava Janjiq

 

< Paraprake		Pasuese >