Asambleja Parlamentare e Këshillit të Evropës shqyrton të martën projekt-rezolutën e Dick Martyt mbi trafikimin e organeve njerëzore në Kosovë. Draft dokumenti, është pika e katërt e rendit të ditës së të martës. Një ditë më pas Asamblesë parlamentare do t’i drejtohet presidenti serb, Boris Tadiq. Sesioni dimëror i asamblesë parlamentare, pritet të sjell në Strasburg edhe kryeministrin shqiptar Sali Berisha, presidentin Turk Ab\dullah Gyl, dhe kryetarin rumun Trajan Basesku. Në draft rezolutën e bazuar në raportin e Dik Martit, thuhet se ka numër të madh të indikacioneve që disa të burgosurve u janë marrë organet në një klinikë afër Fushë Krujës në Shqipëri. Sipas dokumentit, kjo ka ndodhë pas përfundimit të konfliktit të armatosur në Kosovë, dhe para se forcat e bashkësisë ndërkombëtare të marrin kontrollin e plotë.

< Paraprake		Pasuese >