Lëvizja Vetëvendosje është takuar me studentët e Universitetit të Prishtinës në sallën e kuqe të palatit të rinisë në Prishtinë. Nuk kanë munguar kritikat ndaj qeverisë, jo vetëm nga goja e kandidatëve për deputet të kësaj partie por edhe nga vetë studentët. një studente që foli në emër të kolegëve të sajë tha se qeveria nuk ka bërë asgjë për ta deri më tani dhe tani duhet ti lihet në dorë vetëvendosjes. Lideri i lëvizjes, Albin Kurti tha se të gjithë duhet të kenë në arsimin publik. Sa më i arsimuar që të jetë njeriu aq më të vogla janë gjasat që të mbetet pa punë. Sipas tij, kosova tani është shtet por duhet të bëhet demokratike. Në këtë takim ka folur edhe Villiam Vokeri, i cili tha se beson në Vetëvendosjen dhe ndryshimin që do ta sjellë kjo lëvizje. Ai përmendi se edhe hashim Thaçi ka qenë student i UP-së por kur është rritur nuk i është përmbajtur idealeve që ka pasur si student. Ai i ka lutur studentët që të dalin sa më masovisht të votojnë dhe t’ia kthejnë besimin atij në këtë popull.

< Paraprake		Pasuese >