“Jo negociata, vetëvendosje”, është parulla që është shkruar në ndërtesën e re të Qeverisë së Kosovës, nga aktivistët e Lëvizjes “Vetëvendosje”, përmes së cilës kundërshtohen bisedimet e paralajmëruara ndërmjet Prishtinës e Beogradit.

Gjatë një aktiviteti të zhvilluar të hënën, Lëvizja “Vetëvendosje” kundërshtoi fillimin e bisedimeve mes Prishtinës dhe Beogradit, dhe ftoi qytetarët që masovisht t’i përgjigjen kërkesës së “Vetëvendosje”-s kundër bisedimeve.

Aktivistja Drenusha Xhemaili, tha se me këto bisedime Kosova vazhdon të mos jetë sovrane, ndërsa Serbia vazhdon ta shtrijë autoritetin e saj në Kosovë. Ajo akuzoi liderët e Kosovës që për interesa të tyre personale, po vazhdojnë t’i bëjnë kompromise Serbisë, pa e kushtëzuar atë me kërkim-falje ndaj viktimave civile në Kosovë. 

< Paraprake		Pasuese >