Presidenti kroat, Ivo Josipoviq, ka thënë se rezoluta e miratuar për Kosovën përbën themelin për zgjidhjen, që do të jetë në dobi si të Kosovës ashtu edhe Serbisë.

Ai për të përditshmen beogradase “Danas” ka theksuar se kompromisi këtu është ajo që Bashkimi Evropian përfshihet si mbështetës i Serbisë në ballafaqimin me sfidën e gjetjes së modelit të bashkëjetesës të Serbisë e Kosovës, kurse Serbisë nga ana tjetër i hapet perspektivë e qartë për hyrjen në BE.

Duke folur për dialogun e paralajmëruar mes dy vendeve, Josipoviq theksoi se BE e konsideron atë “një proces të pandërprerë dialogu e negociatash”.

Dialogu i paralajmëruar i Serbisë me Kosovën duhet të jetë fitore për të dy palët, dhe si rast që “të gjithë të përfshirët përfundimisht t’i kthehen së ardhmes”, është shprehur presidenti kroat Josipoviq.

Ai e ka uruar Serbinë për kurajën e treguar me rastin e miratimit të rezolutës për Kosovën.




 

< Paraprake		Pasuese >