Është arrestuar një person i cili mendohet se ka ndihmuar të dyshuarin që ka tentuar të vrasë një të ri, por plagosi të vëllain e tij dje në Prishtinë.

Policia e Kosovës njofton se personi në fjalë e ka ndihmuar te dyshuarin, i cili është i njohur për policinë, të kryejë veprën penale.

Në veturën e të arrestuarit të llojit “Volvo” me targa të Kosovës, njësiti i krimeve rajonale ka gjetur dhe konfiskuar ne ulësen e saj, tri gëzhoja dhe një predhë kurse dy dritaret e veturës u gjetën të dëmtuara.

E policia sqaroi se ka ngritur alarm në të gjitha pikat kufitare, për të mos e lejuar të largohet nga Kosova.

I plagosuri është 33 vjeçari, Agim Zeneli, i cili është jashtë rrezikut për jetë. Pas 6 ose 7 të shtënash ai u plagos në këmbë nga i dyshuari.

Dëshmitar i rastin ishte i vëllai i të plagosurit i cili rrëfeu për Klan Kosovën, gjithçka që pa, por u ankua që policia nuk ka ndërmarrë asgjë në këtë drejtim.

I dyshuari është ende në arrati.
 

< Paraprake		Pasuese >