Kryetari i AKR-së, Behgjet Pacolli ka pranuar njohjen verbale të shtetit të Kosovës nga ana e Hondurasit. Gjatë një takimi që ka pasur me presidentin e këtij shteti, ai ka marrë njohjen zyrtare nga ky vend i Amerikës Qwndrore, njohje kjo që do t’i përcillet më vonë edhe presidentit Fatmir Sejdiu.

Kështu tha nënkryetari i AKR-së Ibrahim Gashi, gjatë një konference për medie. Gashi shtoi se Pacolli është duke i vazhduar aktivitet e tij lobuese ne Amerikën qendrore dhe me këtë rast siç ka thënën ai, priten edhe njohje të reja, por që ai nuk i bëri publike se nga cilat shtete.

Gashi ka kërkuar një bashkërendim të aktiviteteve lobuese të institucioneve bashkë me Pacollin, pasi siç është shprehur ai aktivitetet lobuese të Pacollit, janë injoruar vazhdimisht nga institucionet e Kosovës.

Nënkryetari i AKR-se Gashi, tha se aktiviteti i Pacollit për të lobuar për njohje, është i domosdoshëm për faktin se ministria e punëve të jashtme nuk është duke e kryer punën si duhet. 

< Paraprake		Pasuese >