Kryeministri Hashim Thaçi, deklaroi se Kosova është e gatshme për bashkëpunim me të gjitha vendet e rajonit, siç janë Maqedonia, Shqipëria dhe Mali i Zi.

“Po ashtu, ne presim që të bashkëpunojmë edhe me Serbinë, si dy shtete të pavarura, për të mirën e shtetasve tanë dhe të vendeve tona”, tha ai.

Gjatë qëndrimit të tij në Nju Jork, Thaçi i tha Radios Evropa e Lirë, se Kosova është e gatshme edhe për takime direkte me Serbinë.

“Ne jemi të gatshëm të kemi takime direkte për bashkëpunim ndërmjet dy shteteve, pasi ne kemi pasur edhe biseda të tilla edhe me presidentët dhe kryeministrat e rajonit.

Konsiderojmë se bashkëpunimi është politikë e shëndoshë për vendet tona”, vlerësoi Thaçi.

Ndërkohë Sekretari i përgjithshëm i Kombeve të Bashkuara, Ban Ki Mun, ka ofruar ndihmë në organizimin e bisedimeve të para direkt për çështje teknike ndërmjet Kosovës dhe Serbisë, pasi që Asambleja e Përgjithshme miratoi rezolutën përmes të cilës të dyja palët ftohen për dialog.

Ai duke përshëndetur miratimin e rezolutës dhe ofertën e Bashkimit Evropian për nisjen e dialogut ndërmjet Kosovës dhe Serbisë, tha se dialogut ndërmjet dy palëve, është i rëndësishëm si faktorë për promovimin e paqes, sigurisë dhe stabilitetit, në kontekstin e perspektivës evropiane të rajonit.

Ai përsëriti KB-të janë të gatshme të japin kontributin e tyre ne negociata, në bashkëpunim të ngushtë me BE-në.

Ndërkaq, shefja e diplomacisë evropiane, Ketrin Ashton, ka thënë se pret nisjen e dialogut ndërmjet Beogradit e Prishtinës shumë shpejt në Bruksel, pas miratimit të rezolutës në Asamblenë e Përgjithshme


 

< Paraprake		Pasuese >