Është arrestuar Lubisha Vujinoviq, pjesëtar i Policisë së Kosovës, njëherit punëtor edhe i MUP-it të Serbisë, si i dyshuar në lidhje me vrasjen e Hakif Mehmetit, tri ditë më parë në veri të Mitrovicës.

Zëdhënësi i policisë në Mitrovicë, Besim Hoti tha për Kosovapress se te i dyshuari është gjetur ID-ja e MUP-it të Serbisë dhe kartela identifikuese, që e dëshmojnë veprimtarinë e tij të dyfishtë.

Sipas tij, hetimet për vrasjen kanë orientuar në zbulimin e veprimtarisë ilegale të policit serb të Kosovës. Ai shtoi se para se të ndodhte vrasja, viktima kishte qëndruar në lokalin e Vujinoviqit, ndërsa ky i fundit e kishte dërguar atë në spital.

Ndërkohë Klan Kosova patë informuar më parë se për vrasjen e Hakifit, ishte i dyshuar një polic i Kosovës, nga nacionaliteti serb. Kjo qe konfirmuar edhe nga familja Mehmeti.
 

< Paraprake		Pasuese >