Ministri i Jashtëm i Serbisë Vuk Jeremic, mund të shkarkohet nga posti i tij sapo të kthehet nga New Jork-u.

Kështu raportuan mediet serbe disa orë para fillimit të seancës në Asamblenë e Përgjithshme të OKB-së.

E përditshmja “Danas”, duke u thirrur në burime të Presidencës serbe, ka shkruar se Boris Tadic, do të bisedojë me Jeremicin për mënyrën e largimit të tij nga posti i Ministrit të Jashtëm.

Dorëheqjen e Jeremicit e kanë kërkuar edhe disa parti politike, sidomos pas disfatës së Beogradit në GJND.

Sipas gazetës serbe, aktualisht të gjitha opsionet janë të hapura; Jeremic të mbetet edhe për një kohë ministër; Tadic të kërkojë largimin e tij ose Jeremic të ofrojë vetë dorëheqjen.

Sipas kësaj gazete, të enjten në Beograd është spekuluar se Jeremic mund të japë dorëheqje edhe gjatë qëndrimit në New York.  

< Paraprake		Pasuese >