Ka ardhur koha që udhëheqësia e Kosovës dhe e Serbisë të ulet në tavolinën e bisedimeve, dhe të hartojë një marrëveshje stabile dhe përfundimtare në interes të qytetarëve të vet.

Kështu deklaroi sot kryetari i Parlamentit Evropian, Jerzi Busek gjatë takimit me Zëvendëskryeministrin e Kosovës, Ramë Manaj.

Në një komunikatë të lëshuar nga parlamenti evropian pas këtij takimi Busek citohet të ketë thënë se Evropa është e ardhmja e rajonit dhe popullit të tij dhe se udhëheqësit e Serbisë dhe Kosovës, duhet që me ndihmën e BE së, të bëjnë çmos për të siguruar se nuk ka pengesa të pakapërcyeshme në rrugën e tyre drejt anëtarësimit në BE".

Ndërkaq zëvendëskryeministri Manaj gjatë ditës së djeshme ka qenë i ftuar nga Grupi i Punues i EPP-së për zgjerim dhe fqinjësi, ku ka referuar para eurodeputëve të këtij grupimi për hapat që po ndërmerren nga institucionet e Kosovës për procesin e integrimit të vendit në strukturat evroatlantike.
 

< Paraprake		Pasuese >