Fitër Bajrami mblodhi shumë besimtarë në xhaminë e madhe Sulltan Mehmet Fatih në Prishtinë.
Aty do bëhej falja e namazit dhe qytetarët filluan të vijnë që nga ora 5 e mëngjesit.

Edhe xhamia e madhe dukej e vogël për të gjithë ndaj edhe këtë herë shumë besimtarë falën fitër bajramin në oborr.

6.46 ishte ora që shënoi faljen e fitër bajramit të cilën e udhëhoqi kryeimami,Sabri Bajgora..

Pas faljes së namazit, fjalën e mori miftiu Naim Tërnava. Ai tha se Festa e Fitër Bajramit është e një rëndësia të veçantë për besimtarin që ka agjëruar muajin e Ramazanit. Dhe se vjen pas një muaji të tërë adhurimi dhe përkushtimi ndaj Zotit.

E 30 ditë agjërim për besimtarët shihen edhe si shtyllë e fesë.

Fitër Bajrami karakterizohet me vizita tek të afërmit.

Madje për këtë festë myslimanët ndihmojnë të varfëritë dhe japin sadaka.

Besimtarët muslimanë kanë festuar Fitër Bajramin edhe në Shqipëri. Në Tiranë, që në orët e para të mëngjesit, besimtarët kryen faljen e namazit, e cila nuk u bë përpara Xhamisë së Et’hem Beut, në sheshin Skënderbej për shkak të punimeve, por në bulevardin “Dëshmorët e Kombit”.

Në fjalën e tij përfaqësuesi i komunitetit musliman, Ermir Gjinishi tha se Bajrami është festa e natyrshmërisë së njeriut. Një ditë më parë edhe Presidenti Topi dhe kreu i Komunitetit Mysliman Selim Muça uruan besimtarët për festën.
 

< Paraprake		Pasuese >