Një zënkë mes të rinjve të Zveçanit dhe Mitrovicës, është bërë shkas që rreth njëqind persona, të komunitetit serb të përfshihen në rrahje masive.

Ngjarja ka ndodhur mbrëmë rreth orës 21:45 min, në rrugën “Mbreti Milutin” në Zveçan.

Gjatë kësaj përleshje, dy persona të moshës së mitur janë lënduar rëndë në trup dhe janë trajtuar në repartin kirurgjik të spitalin e qytetit në veri.

Ndërkohë, dhjetë minuta pas incidentit, është dëgjuar një shpërthim i cili raportohet të ketë ndodhur në oborrin e një furre buke, pronë e një shqiptari, në rrugën “Mbreti Petër” në Zveçan.

Dëme materiale janë shkaktuar në xhamat e furrës ndërsa lloji i mjetit shpërthyes besohet të jetë një granatë dore e tipit “M-75” prodhim jugosllav.

Policia e Kosovës në Zveçan, për arsye të situatës së krijuar dhe në pamundësi të vënies nën kontroll, ka kërkuar ndihmën e policisë së EULEX-it. Këta të fundit janë sulmuar nga turma e përfshirë në rrahje me gurë dhe objektetë forta. Nuk është raportuar për të lënduar nga ana e zyrtarëve të EULEX-it.
 

< Paraprake		Pasuese >