Një aksident i pazakontë ndodhi paraditen e sotme në Fushë Kosovë. Një autoambulancë që po transportonte një të aksidentuar më parë nga Drenasi për në Emergjencë, doli nga rruga kryesore dhe u rrokullis, me katër persona në të.

Sipas policisë e cila doli në vendngjarje, përveç të lënduarit, lëndime mori edhe infermierja, ndërsa shoferi dhe një shoqërues i viktimës shpëtuan pa dëmtime.

Shkaqet e aksidentit nuk u bënë të ditura, por sipas dëshmitarëve, ishte shpejtësia e madhe dhe tejkalimi i pasigurt nga ana e drejtuesit të autoambulancës.

E prapa kamerës, shoferi u ankua se makina që ngiste nuk ishte në gjendje të mirë teknike, pasi i mungonin frenat dhe kishte problema me gomat.

U tha se vetura ishte më e vjetër se 28 vjet.

 

< Paraprake		Pasuese >