Është suspenduar nga puna inspektorja e Komunës së Prishtinës Zyhrije Pllana.

Siç bën të ditur gazeta Express, vendimi për ta suspenduar atë vjen vetëm një ditë pasi ajo publikoi në media parregullsitë që e karakterizojnë Drejtorinë e Inspeksion-it dhe pjesën ku ajo ankohet për kryeinspektorin e ndërtimit, Ismet Haliti.

Ndërkohë, sipas gazetës zyrtarët komunal, thanë se suspendimi vjen pas shkeljeve të bëra nga ajo gjatë ushtrimit të detyrës.

Dy ditë më parë, inspektorja publikoi një letër, në të cilën fliste për ndërtimet pa leje.

Pllana ishte ankuar te drejtori i inspektorëve komunalë lidhur me objektin e Hysit, i cili është duke u ndërtuar në lagjen e “Lakrishtes”, vend të cilin ajo ishte caktuar nga komuna për ta kontrolluar.
 

< Paraprake		Pasuese >