Ministri i Punëve të jashtme të Sllovakisë Mikulash Xhurinda ka thënë të enjten se ai nuk ka thënë kurrë se vendi i tij nuk do të njohë kurrë Kosovën.

Sllovakia do të veprojë në atë mënyrë që të bindë Beogradin se ajo llogarit seriozisht tek integrimi i Serbisë në Bashkimin Evropian dhe kjo mund të ndihmojë rreth dialogut mes Beogradit dhe Prishtinës, ka thënë ai.

Sllovakia e ka bërë gjithmonë të qartë se qëndron seriozisht përballë interesave dhe pozicionit të Serbisë, ka shtuar ai.

Ndarja unilaterale nga një vend nuk është në interes të Evropës dhe s’mund të ndihmojë për zgjidhjen e diskutimeve territoriale ka thënë Xhurinda.

Integriteti territorial është një princip fondamental i të drejtës ndërkombëtare, ka shtuar ai, raporton B92.

Ndërkohë presidenti rumun Traian Basesku, vendi i të cilit është antare e BE-së që nuk e ka njohur Kosovën, përsëriti se ky mendim nuk do të ndryshojë.

Rumania beson se Beogradi dhe Prishtina duhet të nisin negociatat.

 

< Paraprake		Pasuese >