Kosovën pritet ta njohin se shpejti 15 shtetet e organizatës së CARICOM-it.

Kryetarja e Kuvendit të Shqipërisë, Jozefina Topalli, ka marrë një letër nga kryetari i Parlamentit të Grenadës, George J. McGuire, ku e njofton se ky vend ka marrë në konsideratë kërkesën për njohjen e Kosovës si një vend legjitim dhe krejtësisht i pavarur.

McGuire e njofton po ashtu krye-parlamentaren shqiptare se vendet e CARICOM pritet të marrin një vendim të përbashkët për çështjen e Kosovës.

Kjo letër vjen pas dhjetëra takimesh që Topalli zhvilloi në Konferencën botërore të kryeparlamentarëve në Gjenevë, të fokusuara kryesisht në lobimin për njohjen e pavarësisë së Kosovës.

CARICOM është një bashkësi shtetesh që përfshin 15 vende, ku bëjnë pjesë Antigua dhe Barbuda, Bahamas, Barbados, Belize, Dominica, Grenada, Guyana, Haiti, Xhamajka, Montserrat, ST. Kitts dhe Nevis, Saint Lucia, St.Vincent dhe Grenadines, Suriname, Trinidad dhe Tobago.
 

< Paraprake		Pasuese >