Qëndra turistike e skijimit “Brezovica” duket se nuk do t’i nënshtrohet sivjet procesit të privatizimit, për shkak se ende nuk është zgjidhur cështja e shpronësimit, hartimi i master-planit dhe nuk është arritur pajtimi i serbëve në këtë anë.

Sipas kryetarit të Shtërcës Borislav Nikolic, pritet të ndodhë vetëm vitin tjetër.

Hartues të këtij plani janë Agjencia Kosovare e Privatizimit sëbashku me Komunën e Shtërpcës dhe palët e tjera, ku është përfshirë edhe Zyra Ndërlidhëse e Komisionit Evropian në Kosovë.

Edhe pse nuk pranohet zyrtarisht, kjo zmbrapsje e AKP-së ka ardhur pas dështimit tri herë radhazi për t’i privatizuar komplekset e Brezovicës, si dhe nga presioni i serbëve lokalë dhe përfshirja e ndërkombëtarëve.
 

< Paraprake		Pasuese >