Kanë filluar punët në zbardhjen e dyshimit nëse në Zhilivodë të Vushtrrisë, ka apo jo trupa të civilëve të vrarë gjatë luftës.

Në vendngjarje kanë zbarkuar të paktën 40 veta, antropologë të EULEX-it, mjekët ligjor kosovar.

Në këtë operacion, do të angazhohen edhe Forcat e Sigurisë së Kosovës, të cilat do të jenë përgjegjëse për përgatitjen e terrenit për gërmimet që thuhet se do të zgjasin disa javë, meqë terreni është i papërshtatshëm.

Hulumtimet do të përqendrohen në një thellësi prej 30 metrash, ku dyshohet se janë hedh trupat e të paktën 20 serbëve të vrarë gjatë vitit 1998, nga ajo rrethinë.

Banorët e pronave ku po bëhen gërmimet u ankuan sot se nuk do të lejojnë punët të vazhdojnë, pasi nuk janë kompensuar për tokën e tyre.
 

< Paraprake		Pasuese >