Do të inkuadrohet në politikë për t’i ruajtur vlerat demokratike të shtetit që po ndërtohet ka deklaruar Ukë Rugova djali i presidentit të ndjerë Ibrahim Rugova , në pjesën e dytë të intervistës në të përditshmen "Express".

Ai thotë se garën e vet politike do ta nisë në degën e presidentit historik, në Velani.

Në këtë intervistë, Uka vlerëson se LDK-ja ka nevojë për personalitete si Bujar Bukoshi dhe Isa Mustafa ndërsa mendon se ngrirja e postit të Kryetarit ka krijuar zbrazëtira në hierarkinë dhe udhëheqjen e LDK-së.

Sipas tij koalicioni aktual PDK-LDK është në të mirë të vendit.

Rugova II, ka deklaruar se ka raporte shumë korrekte me të gjitha subjektet politike, duke filluar nga partia në koalicion PDK-ja, me partitë opozitare AAK-ja, AKR-ja, LDD-ja, por edhe me partitë që janë më të vogla.
 

< Paraprake		Pasuese >