Në rast se Beogradi dhe Brukseli arrijnë marrëveshje për ndryshimin e rezolutës për Kosovën, teksti i cili është dorëzuar në Kombet e Bashkuara do të korrigjohet me amendamente, shkruan sot e përditshmja serbe “Politika”.

Duke u thirrur në burime nga qeveria serbe, gazeta thotë se ende nuk është përcaktuar se cili shtet do të dorëzojë amendamentet, as se çfarë do të përmbajnë ato dhe cilat ndryshime do të bëhen në tekstin e tanishëm.

Politika shkruan se Bashkimi Evropian është duke u konsultuar, dhe që të thurja e amendamenteve ende nuk ka filluar. Kjo do të behet, sipas gazetës, vetëm atëherë kur të shihen shenjat se një marrëveshje mes Brukselit e Beogradit është e mundur, e që nuk e prek interesin nacional serb.
 

< Paraprake		Pasuese >