Është shkarkuar nga detyra e postit të komandantit të Policisë në veri të Mitrovicës, Milija Milosevic. Sipas burimeve brenda policisë, drejtori Behar Selimi, mori vendim që Miloshevic të largohet nga ai postë, për tu transferuar diku tjetër. Detajet e transferimit të tij nuk janë bërë të ditura, mirëpo merret vesh se Brenda ditës, krerët e policisë do të bëjën edhe pozicionimin e tij, ndërkohë që do të gjendet edhe pasuesi I tij. Ditë më parë ushtruesi i detyrës së drejtorit të përgjithshëm Selimi, për shkak të paraqitjes së dobët në punë, e pat transferuar në Bërnjak edhe komandantin e policisë në Jarinje. Pavarësisht këtyre dy ndërrimeve, Behar Selimi ka paralajmëruar edhe ndërrime të tjera. 

< Paraprake		Pasuese >