Ukë Rugova, djali i presidentit të ndjerë, Ibrahim Rugova, ka pranuar publikisht se do të fillojë të merret me politikë. Dhe padyshim LDK-ja, partia që e udhëhoqi i ati, për gati dy dekada, do të jetë streha e tij.

Në një intervistë dhënë të përditshmes, Express, Uka djali i dytë i presidentit Rugova, ka shuar të gjitha dyshimet rreth të ardhmes politike të tij dhe familjes. “Unë i përkas Lidhjes Demokratike të Kosovës”, ka thënë Uka i pyetur nga Express, për tendencat e shumë partive politike në Kosovë, për t’u afruar me familjen Rugova.

“Kontributi i Rugovës, ka qenë përtej një partie politike”, ka thënë Rugova, i cili aktualisht po vazhdon studimet në Los Angeles, në drejtimin Biznes dhe Admistratë.Arsyeja pse, Uka ka vendos angazhohet në LDK, sipas tij, është shpëtimi i partisë, nga goditjet që ka pas LDK-ja, pas vdekjes së Ibrahim Rugovës.

Përveç që ka vendosur të kthehet vetë, 30 vjetari Ukë Rugova, u ka bërë ftesë të gjithë atyre që kanë besuar LDK, t’i kthehen kësaj partie, pasi siç thotë ai, LDK, ka vend për të gjithë. 

< Paraprake		Pasuese >