Presidenti serb Boris Tadic ka njoftuar rreth konsultimeve mes Brukselit dhe Beogradit përsa i përket draft-rezolutës të Serbisë për Kosovën.

Tanjug, citon Tadiç-in të ketë thënë se mundësia e kompromisit për rezolutën do të diskutohet në Bruksel dhe Uashington këto dite, duke shtuar se ky kompromis duhet të qëndrojë në linjat e interesave serbe dhe të gëzojë Fuqitë e Mëdha.

Sipas tij, në ditët në vijim përfaqësuesit serbë do të vizitojnë Brukselin për të diskutuar amendamentet e mundshme të draft-rezolutës të cilat do të sihin të pranueshme si për Serbinë ashtu edhe për fuqitë e mëdha.

Ai ka shtuar se nuk është konsultuar me askë për ndryshimin e draft-rezolutës serbe dhe sipas tij, pesë vendet më të rëndësishme të BE-së dhe Sh.B.A-ja nuk e kanë pranuar dokumentin.

Rusia, Brazili, Kina dhe pesë vendet e BE-së që nuk e kanë njohur Kosovën, nuk e hedhin poshtë draft-rezolutën.

Por ai thotë se pozicioni i vendeve të Quint-it nuk mund të injorohet, por Serbia nuk do të heqë dorë as nga Kosova dhe as nga BE-ja.


 

< Paraprake		Pasuese >