Me 23 dhjetor të këtij viti, kur edhe do të festojë ditëlindjen e 21-të , Lidhja Demokratike e Kosovës pritet ta organizojë kuvendin zgjedhor.

Për këtë gjë, siç mëson Klan kosova, u fol dje në takimin e kryesisë me kryetarët e degëve.

Merret vesh se gara për zgjedhjet në LDK do të nisë me 10 shtator.

Pjesë e luftës për të parin e partisë do të jetë edhe ministri aktual i shëndetësisë, Bujar Bukoshi.

Sipas burimeve të televizionin tonë, ai, bashkë me një grup jo të vogël të njerëzve me ndikim në LDK ka shfaqur gatishmërinë të kandidojë për postin kryetarit dhe këtë ia ka bërë me dije edhe fatmir Sejdiut, që mban të ngrirë postin e të parit në këtë parti.

Zyra e këtij të fundit ka thënë se nuk është në dijeni për këto gjëra.

Në anën tjetër, merret vesh se grupi i afërm me presidentin, po përgatit një strategji tjetër, pasi që nuk e shohin si serioze kandidaturën e Bukoshit, ndonëse e vlerësojnë si punë e demokracisë së brendshme futjen e tij dhe të tjerëve në garë.

Ndryshe, burimet e Klan Kosova thonë se Sejdiu ka propozuar 50 emra të rinj e të njohur për publikun, për t’i korporuar në strukturat e larta të partisë, në mënyrë që ata të futën në garën për funksione në këtë subjekt politik.
 

< Paraprake		Pasuese >