Një granatë dore është hedhur në oborrin e stacionit të policisë në Zubin Potok, në orët e hershme të mëngjesit të së shtunës.

Sipas zëdhënësit të policisë për Mitrovicë, Besim Hoti, nga shpërthimi, i cili është dëgjuar në orën 2:15, nuk pati persona të lënduar përveç dëmeve materiale në dy vetura të policisë.

Paraprakisht, rreth 40 metra nga stacioni policor ku është hedhur granata, i është djegur vetura private një pjesëtari të rendit.

Hoti ka thënë se ende nuk dihet motivi i këtij sulmi dhe se nuk ka persona të dyshuar në lidhje me këtë rast.
 

< Paraprake		Pasuese >