Një grua e moshës rreth 25-30 vjeçe është gjetur e mbytur në fshatin Deiq të Klinës pranë urës së Haxhisë.

Policia thotëse ajo ishte e mbuluar me një çarçaf dhe me një llastik.

Sipas njoftimeve të para, nuk është i ditur ende identiteti i viktimës ndërsa trupi është dërguar për obduksion.

Gruan e gjetën disa peshkatarë.

Banorët e fshatit Deiq të komunës së Klinës, treguan se vajza u gjet në lumin Drin, pasdite vonë të premten, ishte me këmbë e duar të lidhura dhe e mbështjellë me një çarçaf të bardhë.

Një dëshmitar e përshkruan vajzën për Klan Kosovën të vdekur në mes të mbeturinave të lumit pasditen e së premtes. Sipas tij, ajo ishte e veshur me pantallona të shkurtra dhe kishte flokë biondë.

Banorët thonë, se askush nuk e njeh dhe sipas tyre, ajo nuk është nga komuna e Klinës.
E identitetin e saj, nuk arriti ta zbulojë as policia.

Xhevad Ibra, zëdhënës i policisë së Pejës tha për Klan Kosovën se ende nuk e dinë së kush dhe pse e hodhi vajzën bionde në lum. Hetimet po vazhdojnë...


 

< Paraprake		Pasuese >