Serbia dhe Bashkimi Evropian do të përpiqen të gjejnë një zgjidhje për të hapur një dialog mes Prishtinës dhe Beogradit rreth çështjeve të diskutueshme mbi rezolutën.

Kjo sipas një artikulli të së përditshmes serbe “Politika”, raporton B92, i cili shkruan se kjo do të thotë që Beogradi dhe Brukseli do të gjejnë një zgjidhje për të modifikuar draft-rezolutën serbe e cila është dërguar në Asamblenë e Përgjithshme të Kombeve të Bashkuara.

Gazeta serbe vlerëson se vizita e djeshme e ministrit të jashtëm gjerman Guido Westerwelle, është cilësuar si një përpjekje për t’i bërë presion Serbisë për të ndryshuar rezolutën për Kosovën, por që nuk i ka mbyllur dyert për negociata.

Marrëveshja për rezolutën ishte thelbi i takimit të tyre, citohet të ketë thënë gazeta e cila mbështetet tek deklarata të zyrtarëve më të lartë të shtetit. Burimet e “Politik-ës” e përshkruajnë bisedën e dy politikanëve si miqësore dhe plot mirëkuptim.




 

< Paraprake		Pasuese >