Minisitri i Jashtëm i Gjermanisë, Guido Westerwele, vjen në Kosovë për një vizitë zyrtare ku pritet të takohet me krerët më të lartë të shtetit, ndersa është parashikuar edhe mbajtja e një fjalimi në Kuvendin e Kosovës.

Në agjendën e tij e cila përfshin takime vec e vec me Presidentin Fatmir Sejdiu, kryeministrin Hashim Thaçi dhe Ministrin e Jashtëm Skënder Hyseni, parashihet edhe vizita e tij në Graçanicë ku do të takohet me kryetarin Bojan Stojanoviq.

Në vizitën e tij katër orëshe në Kosovë, ai pritet të takohet edhe me trupat gjermane të KFOR-it.

Diplomati gjerman është në ditën e fundit të turit të tij diplomatik në Ballkan.

Ai një ditë më parë takoi liderët serbë ku u bëri thirrje Beogradit që të pajtohet me pavarësinë e Kosovës, pasi ajo është tashmë është realitet dhe sipas tij bisedimet mes dy vendeve nuk e kanë vendin në New York, por në Bruksel.

Ai në Beograd tha se pajtimi mund të jetë i suksesshëm vetëm nëse Serbia përballet me realitetin se pavarësia e Kosovës është e qartë dhe opinioni i GJND-së e konfirmon atë qartazi.

“Harta e Evropës juglindore është ka përfunduar. Ajo është e kompletuar”, tha diplomati gjerman.

“Disa nga ju mund të mendoni se kjo është një utopi tashti, duke e ditur të kaluarën. Por, historia e bashkimit Evropian ka treguar më tepër se një herë, se utopia mund të bëhet realitet”, tha Westerwelle dje në Beograd.

< Paraprake		Pasuese >