Imazhi në pullën postare është e vetmja mënyrë me të cilën Kosova shënoi 100 vjetorin e lindjes së Nënë Terezës.

Emetimi i përbashkët i tri postave, Kosovës, Shqipërisë e Maqedonisë, ishte aktiviteti i vetëm, të enjten ani pse vetë presidenti Fatmir Sejdiu shpalli këtë vit si Vitin e Nënës Terezë, pikërisht për shkak të këtij jubileu.

Ministri i kulturës, Lutfi Haziri arsyetohet se një gjë e tillë ndodhi për shkak të koordinimit me Shqipërinë, e organizimet përmbyllëse do të mbahen në Prishtinë.

E për Kastiot Abdylin, menaxher në PTK, imazhi postar është ambasadori më i mirë në vendet tjera.

Gonxhe Bojaxhiu, e cila më vonë mori emrin Nëna Terezë, u lind më 26 gusht të vitit 1910 në Shkup nga prindër shqiptarë. Puna e saj si humaniste i dha shpërblimin nobel për paqe, në vitin 1979.


 

< Paraprake		Pasuese >