Dogana e Kosovës ka sekuestruar 4.400 copë cigare pa banderolë dhe 381.5 litra birra dhe pijealkoolike të ndryshme në fshatrat Ranilluk dhe Kermjan të komunës së Ranillukut.

Sekuestrimi është bërë në saj të dyshimeve se në këto vende kontrabandoheshin mallra.

Njësitet e Doganës kanë kontrolluar detajisht tri lokacione, në të u sekuestrua i gjithë malli i kontrabanduar.

Në bodrumin e njërit prej lokaleve të kontrolluara, është zbuluar një sasi birrave (marka e të cilave nuk bëhet e ditur) dhe e verërave te pazhdoganuara, si dhe një sasi e pijeve alkoolike “Rakija”.

Dogana bëri të ditur se ndaj të dyshuarve ka filluar procedura hetuese për kontrabandim me mallra. Në këtë operacion kanë marr pjesë edhe njësitë e EULEX-it të cilët kanë monitoruar operacionin.
 

< Paraprake		Pasuese >