Gara rreth mbledhjes së votave kundër rezolutës serbe në Kombet e Bashkuara, ka nxitur sekretaren amerikane të shtetit Hillari Kllinton dhe homologun e saj britanik, Uilliam Hejg, të përfshihen personalisht në lobim.

Nisma e Amerikës dhe Mbretërisë së Bashkuar, po përkrahet edhe nga Franca dhe Arabia Saudite, thotë e përditshmja serbe Blic. Sipas saj, dy shefat e diplomacisë, kanë nisur letra në adresë të 50 shteteve, me kërkesën që të mos përkrahet rezoluta e Serbisë kundër Kosovës, e cila bënë thirrje për negociata statusore.

Një letër e tillë i është dërguar edhe Kinës. Blic shkruan sot se, beteja po zhvillohet në përafrimin e qëndrimit me 30 shtete të botës, tek të cilat po lobon fuqishëm edhe diplomacia serbe.

Mbështetësit e pavarësisë së Kosovës pohojnë se kanë 65 vota në Asamblenë e Përgjithshme. Gazeta pohon të ketë pasur qasje në të paktën dy letra që kanë dërguar kryediplomatët Kllinton e Hejg, ku shpjegojnë se Serbia refuzon që të njeh opinionin e Gjykatës së Botës, edhe pse vet e ka kërkuar këtë mendim. 

< Paraprake		Pasuese >