EULEX-i mori përgjegjësitë, me disa kushte, për lirimin e kryetarit të Aleancës për Ardhmërinë e Kosovës, Ramush Haradinaj nga paraburgimi i Gjykatës së Hagës. Përveç Haradinajt, misioni i BE-së në Kosovë garantoi edhe për lirimin e ish-bashkëluftëtarit të tij, Lahi Brahimaj. 

Kjo u bë e ditur përmes një komunikate të EULEX-it, ku thuhet se ky mision merr këto përgjegjësi deri në rifillimin e gjykimit të pjesshëm të caktuar nga Gjykata Ndërkombëtare për Krime Lufte në ish-Jugosllavi.

Sipas kësaj komunikate pranoi që Haradinaj të lirohet përkohësisht, me kusht që gjatë kësaj periudhe të mos largohet nga Prishtina ose Gllogjani, si dhe të njoftojë këtë mision 24 orë përpara kur lëviz nga njëri vend në tjetrin.

Po ashtu, kreu i AAK-së, nuk ka të drejtë të merr ndonjë post qeverisje në Kosovë, nuk ka të drejtë të merr pjesë në aktivitete publike dhe as të bëjë deklarata publike, por mund të vazhdoj aktivitetin e tij partiak.
 

< Paraprake		Pasuese >