Ish-ambasadorja amerikane në Prishtinë, Tina Kaidanow është emëruar zyrtare kryesore e Sh.B.A-së për Ballkanin.

Emërimi erdhi pas një ndryshimi rrënjësor të administratës amerikane javën e kaluar.

Gazeta “Blic” e përshkruan ambasadoren e parë amerikane në Prishtinë, si të njohur me qëndrimet e veta anti-serbe dhe një grua, për të cilën vlerësohet se me gjallërinë e vetë ka kontribuar shumë në shpalljen e Deklaratës për pavarësinë e Kosovës.

Kaidanow, që në vitet 90’, kur ishte bashkëpunëtore e Richard Holbrook-ut ishte e njohur që në çdo problem të shoh ‘nacionalizmin serb’ dhe ‘propagandën serbe’, citohet të thuhet në gazetën Blic.

Zgjedhje e saj në administratën amerikane si zëvendësndihmëse e Sekretarit Shtetëror për Evropën dhe Euroazinë, nuk është e mirë për Serbinë, sepse ajo asnjëherë nuk e ka fshehur simpatinë dhe ç’është me rëndësi antipatinë ndaj shteteve të caktuara, ka deklaruar për “Blic”, Obrad Kesiq, analist i njohur në Washington, duke përkujtuar se gjatë luftës në Bosnje Hercegovinë, Kaidanow në kabinetin e saj ka mbajtur flamurin e madh kroat në mur.
 

< Paraprake		Pasuese >