Serbia pret që ata që votuan pro rezolutës që kërkoi opinion nga GJND-ja për legalitetin e shpalljes së pavarësisë së Kosovës, të votojnë sërish në favor të saj kur të debatohet përgjigja e saj re në Asamblenë e Përgjithshme të Kombeve të Bashkuara.

Kryeparlamentarja serbe, Slavica Gjukiq-Dejanoviq, madje thotë se nuk ka arsye përse kjo të mos jetë kështu.

“Aktiviteti jonë në politikën e jashtme, ishte vërtet në nivel të lartë të detyrës. Teksti i rezolutës, sipas vlerësimit tonë, është tërësisht i pranueshëm dhe, ne presim që të gjithë ata që kanë kërkuar opinionin e GJND-së, vërtetë nuk kanë arsye që tani të mos e përkrahin tekstin e rezolutës.”

Dokumenti që dorëzoi Serbia, do të diskutohet me 9 shtator në OKB, dhe bënë thirrje për nisjen e bisedimeve për statusin e Kosovës. Beogradi, sipas zyrtares serbe, nuk mendon se do të dështojë në këtë aspekt.

“Natyrisht kjo është një betejë, do thosha, e vështirë politike. Rezultatet do të shihen. Mendoj se është bërë shumë, që ky tekst i rezolutës, thjesht, të jetë i përjetuar në frymën, në të cilën, natyrisht ne si propozues patëm tendencën që të jetë.”

Përveç rezolutës serbe, asnjë shtet tjetër nuk ka paraqitur një dokument si kundërpërgjigje. Beogradit po i bëhet presion që të ndryshoj vetë atë që ka shkruar.
 

< Paraprake		Pasuese >