Ministri i Punëve të Jashtme të Sllovakisë Mikulash Xhurinda ka thënë se vendi i tij është kundër njohjes së Kosovës, duke shtuar se shkëputja e njëanshme nuk është në interes të Evropës. “Pavarësia e njëanshme e Kosovës pa miratimin e Serbisë është e padrejtë, ka theksuar ministri Sllovak, vendi i të cilit është një nga pesë shtetet të BE-së që nuk e ka njohur Kosovën.

“Nëse serbët tani ndjehen të tradhtuar, unë mund ta kuptoj këtë”, i ka thënë Xhurinda të përditshmes austriake “Die Presse”, duke ritheksuar se Rezoluta 1244 e Kombeve të Bashkuara, e cila i dha fund luftës në vitin 1999, jep një autonomi substanciale për Kosovën.

Duke komentuar deklaratën se Sllovakia mbështet sulmet e NATO-s në Serbi në vitin 1999, ministri sllovak ka thënë se ai mbështet fuqishëm ofrimin e hapësirave ajrore të vendit të tij për NATO-n sepse ai është i bindur se në atë kohë spastrimi etnik i Sllobodan Milloshevic-it ishte me të vërtetë një gjë e keqe.

Xhurinda ka thënë se është mëse i bundur që vendimi ka qenë i drejtë.


 

< Paraprake		Pasuese >