Kryetari i AAK-së, Ramush Haradinaj pritet të kthehet në Kosovë këtë të mërkurë. Kështu njofton sot, portali “Telegraf” duke u bazuar në informacionet që ka marrë brenda partisë që udhëhiqet nga Ramush Haradinaj.

Një zyrtar i lartë i AAK-së, i tha Klan Kosovës, se gjasat që kryetari i partisë të kthehet në vend janë të mëdha, por e njëjta nuk do të ndodhë edhe me Lahi Ibrahimajn dhe Idriz Balajn.

Ndërkohë, vëllai i Haradianjit, Dauti i tha Klan Kosovës, se janë kryer disa procedura të cilat janë pozitive për lirimin e liderit të AAK-së.

Ish komandanti i UCK-së, u rikthye në Tribunalin e Hagës, pasi dhoma e apelit kërkoi rigjykim të pjesshëm për të, edhe pse e njëjta Gjykatë e pati shpallë atë të pafajshëm.Pikat e akuzat që e rëndojnë Haradinajn, lidhen me dyshimet për krime gjatë luftës në Kosovë siç janë vrasjet, përdhunimet dhe tortura.

< Paraprake		Pasuese >