I ashtuquajturi kryetar i Këshillit të Sindikatave të Kosovës, Bllazho Millosavleviq, ka thënë se punëtorët serbë në Kosovë kërkojnë nga Qeveria e Serbisë të vazhdojnë me dhënien e shtesave sipas vendimit të vitit 2003 dhe mos t’i ndërpresin ato.

Në një takim të këtij këshilli të mërkurën në veri të Mitrovicës, Millosavleviq ka propozuar që pagat e punëtorëve serbë në Kosovë të jenë identike me kolegët e tyre në Serbi.

Ndërkaq, i ashtuquajturi kryetar i Këshillit të sindikatës së qarkut të veriut të Mitrovicës për arsim, Ivan Zaporozhac, ka thënë se nëse kërkesat nuk plotësohen, atëherë do të vihet në pikëpyetje fillimi i vitit të ri shkollor.

Sipas tij, qëndrimet që janë marrë në këtë takim, do t’i përcillen të ashtuquajturit kryeshef i qarkut të Mitrovicës, Radenko Nedelkoviq dhe presidentit të Serbisë, Boris Tadiq.
 

< Paraprake		Pasuese >