Ministri i Punëve të Brendshme, Bajram Rexhepi vlerësoi të mërkurën se institucionet e vendit janë duke punuar me dinamikën e paraparë për të përmbushur parakushtet e domosdoshme për heqjen e regjimit të vizave. Sipas tij, në gjysmën e muajit shtator Kosova zyrtarisht do të ketë strategjinë për liberalizim. Kjo strategji do të jetë në vend të udhërrëfyesit, i cili do të ndërrojë emrin, me arsyen se pesë shtete anëtare të Bashkimit Evropian nuk e kanë njohur Kosovën. Këto deklarata Rexhepi i bëri gjatë takimit të shtatë të Grupit punues për liberalizmin të vizave me BE-në, me ç’ rast theksoi se çdo gjë që lidhet me këtë proces, është prioritet i lartë i qeverisë dhe ministrisë që drejton. Më tej, ministri Rexhepi vlerësoi lartë vendimin e qeverisë së Kosovës për themelimin e fondit inicial për liberalizim të vizave, i cili parashihet që të kap shumën prej 500 mijë eurosh. E më vonë sipas tij, parashihet që të mbahet një konferencë e donatorëve, e cila parasheh mbledhjen e të hollave për procesin e integrimit të Kosovës në BE.
 

< Paraprake		Pasuese >