Beogradi ka mënyra të tjera për t’i ndihmuar serbët e Kosovës, pa u dhënë pagat shtesë që u shpallën kundër-kushtetuese.

Kështu mendon ministri serb i punës dhe politikave sociale, Rasim Lajiq. Sipas tij, jetesa në Kosovë, nuk është pa rrezik për serbët.

“Duhet të gjejmë mënyrë për ta pranuar realitetin se nuk është njëjtë të jetohet në enklavat e largëta në Kosovë, me jetesën në Kragujevc, Nish e Novi Sad”.

Ai, thotë se Serbia do të jetë në Kosovë, aq gjatë sa aty të ketë serb.

“Derisa ata janë në Kosovë, ekzistojnë gjasat reale për luftën politike e diplomatike që po e bënë Serbia. Nëse ata shpërngulen nga Kosova, e gjithë kjo luftë do të humbet”.

Serbët e punësuar në strukturat paralele në Kosovë, kanë pranuar për shumë vite, paga 50 për qind më të larta nga kolegët e tyre që i ushtrojnë të njëjta punë në Serbi.

Ato u ndërprenë pasi u vlerësuan si të paligjshme nga Gjykata Kushtetuese.

< Paraprake		Pasuese >