Zëvendëskryeminsitri serb Bozhidar Gjeliq ka thënë se Kosova do të jetë arsyeja pse BE-ja nuk do ta shqyrtojë në shtator çështjen e aplikacionit të Serbisë në union.
Një gjë e tillë, sipas tij, do të bëhet në fund të vitit. Shtyrja është bërë qëllimshëm nga disa vende me ndikim në bashkimin evropian, në mënyrë që të bëhet presion në Beogradin, gjatë kohës kur Asambleja e përgjithshme e OKB-së, do ta ketë në rend dite rezolutën për Kosovën. Në një intervistë për të përditshmen politika Gjeliq e quajti këtë gjë si një presion i llojit të vetë nga ana e BE-së ndaj qeverisë së shtetit të tij.
Ai po ashtu ka thënë se disa vende tashmë kanë filluar të lidhin integrimet evropiane të Serbisë me zgjidhjen e çështjes së Kosovës ndërsa e quajti këtë si politikë të gabuar. Por, Gjeliq tha se qëndrimi i Beogradit do të mbetet i pandryshuar, Serbia nuk do ta njohë kurrë pavarësinë e Kosovës por, në të njëjtën kohë, kurrë nuk do të heq dorë nga hyrja në BE.

< Paraprake		Pasuese >