Dy krerët më të lartë të shtetit, presidenti Fatmir Sejdiu e kryeministri Hashim Thaçi kanë nënshkruar bashkërisht këtë nismë e cila u bënë thirrje vendeve anëtare të Kombeve të Bashkuara që të refuzojnë rezolutën e Beogradit të paraqitur për debat si përgjigje e opinionit të GJND-së. Sipas letrës thuhet se nisma e Serbisë kritikon Gjykatën e Botës, dhe është e papranueshme marr parasysh se ky shtet vet ka kërkuar këtë opinion ndërsa tani nuk e respekton. Prishtina zyrtare, sipas letrës, insiston se GJND-ja, ka konfirmuar ligjshmërinë e shpalljes së pavarësisë së Kosovës, andaj me respekt të veçantë u kërkon të gjitha vendeve anëtare të OKB-së që të kundërshtojnë rezolutën e sponsorizuar nga Serbia. Në anën tjetër, me letrën e Sejdiut dhe Thaçit, e cila i është dërguar përpos vendeve anëtare të OKB-së, edhe Konferencës Islamike, Ligës Arabe, dhe vendeve të Amerikës Latine, atyre u kërkohet edhe që të njihet pavarësia e Kosovës. Po ashtu, kjo letër i u dërgua edhe shefes së diplomacisë evropiane Catherine Ashton.  

< Paraprake		Pasuese >