Kryeministri Hashim Thaçi ka përsëritur qëndrimin e institucioneve kosovare se nuk do të ketë autonomi për veriun e Kosovës. Sipas tij zgjidhja e vetme është implementimi i Pakos së Ahtisarit, dhe në kuadër të kësaj shtoi se qeveria është duke punuar për mbajtjen e zgjedhjeve të lira në këtë pjesë të vendit.  Gjatë vizitës që Thaçi e ka bërë sot në kroin e Vitakut tha se kriminelët dhe kontrabanduesit i kanë ditët e numëruara. Ai u premtoi banorëve të kësaj pjese të qytetit investimin e 5 milion eurove për ndërtimin e 200 shtëpive. Siç tha ai ky projekt do të diskutohet në mbledhjen e ardhshme të Qeverisë. Nga ana tjetër Ministri i Brendshëm Bajram Rexhepi, tha se polica e Kosova dhe EULEXI iu garantojnë siguri të gjithë qytetarëve në pjesën veriore të Kosovës.
 

< Paraprake		Pasuese >