Rreth 4 hektarë pyje janë djegur nga një zjarr që ka shpërthyer të enjten pas dite në fshatin Vinarc i Poshtëm të Komunës së Mitrovicës, raporton Kosovapress. Në shuarjen dhe në lokalizimin e zjarrit kanë marrë pjesë dy shërbimet për zjarrfikje dhe shpëtim, shërbimi për zjarrfikje i jugut si dhe i veriut të Mitrovicës, kanë njoftuar zyrtarë të komunës së Mitrovicës. Në shuarjen e zjarrit përveç shërbimeve për zjarrfikje dhe shpëtim kanë marrë pjesë edhe Policia e Kosovës dhe banorët e fshatit Vinarc i Poshtëm, të cilët iu kanë bashkangjitur institucioneve përkatëse. “Shuarja dhe lokalizimi i stuhisë së zjarrit është bërë në orët e vona të mbrëmjes”, ka thënë drejtori i Drejtorisë për Mbrojtje dhe Shpëtim, Behxhet Bala”. Në anën tjetër zyrtarë të policisë në Mitrovicë kanë theksuar se policia është duke hetuar shkaqet e shpërthimit të zjarrit. 

< Paraprake		Pasuese >