Shtetet e Bashkuara do të vazhdojnë të nxisin shtetet që ende nuk e kanë njohur pavarësinë e Kosovës që të ndërmarin këtë hap dhe do të mbështesë veprime konstruktive në Asamblenë e Përgjithshme të Kombeve të Bashkuara, thuhet në një letër të Sekretares Amerikane e Shtetit Hilary Clinton dërguar ministrit të jashtëm të Shqipërisë Ilir Meta. Në të thuhet se vlerësohet thellësisht gjithcka që Shqipëria ka bërë për të cuar përpara kauzën e një Kosove të pavarur, paqësore dhe demokratike. “Opinioni i GJND-së mund të shërbejë gjithashtu si një katalizator për Serbinë dhe Kosovën, për të lënë mënjanë diferencat dhe të punojnë së bashku në mënyrë konstruktive mbi cështjet praktike dhe për të përmirësuar jetën e popullit të Serbisë, Kosovës dhe të gjithë rajonit”, thuhet në letrën e saj. Clinton thekson se kjo është rruga drejt një të ardhmeje të përbashkët si pjesë e një Evrope që është e lirë, e bashkuar dhe në paqe.


 

< Paraprake		Pasuese >