Italiani Silvio Bonfigli është emëruar për shef të Komponentit të EULEX-it për Drejtësi, ka bërë të ditur të enjten misioni EULEX përmes një komunikate për media. Silvio Bonfigli, i lindur më 1963, ka ardhur në mision gjatë kësaj jave. Ai është bërë prokuror publik në vitin 1992 dhe me vete sjell një përvojë shumëvjeçare si ekspert anti-korrupsion. Para ardhjes së tij në EULEX ai ka punuar edhe si ekspert ligjor në Shërbimin Anti-korrupsion dhe për Transparencë në Itali. Qëllimi kryesor i Komponentit të EULEX-it për drejtësi është që të ndihmojë, përmirësojë dhe fuqizojë sistemin e drejtësisë në Kosovë, në mënyrë që ai të jetë shumetnik, të paanshëm dhe pa ndërhyrje politike. Aktualisht Komponenti i EULEX-it për Drejtësi ka 397 të punësuar.


 

< Paraprake		Pasuese >