Ish-emisari në bisedimet për statusin e Kosovës, Albert Rohan thotë se elementet kryesore të Rezolutës 1244 janë zbatuar, prandaj do të ishte logjike që Këshilli i Sigurimit të pranojë këtë fakt përmes një vendimi të ri. Në këtë mënyrë ai komenton kërkesën e Ministrit Skënder Hyseni në New York për zëvendësimin e kësaj rezolute. Por, thekson se çdo nismë për këtë do të stopohej nga Rusia. Në një bisedë për Express, Rohan flet për praninë ndërkombëtare si dhe për anëtarësimin e Kosovës në OKB. Rohan thotë se në elementet kryesore të Rezolutës, si ndalja e represionit ndaj popullit të Kosovës, largimi i forcave jugosllave të sigurisë, aranzhimet për një administrim të përkohshëm si dhe procesi politik për caktimin e statusit të Kosovës janë zbatuar. Megjithatë, njëjtë si ministri Hyseni, edhe ambasadori Rohan përmend faktin se çdo rezolutë në Këshillin e Sigurimit mund të aprovohet nëse nuk përdoret vetoja nga ndonjëri prej pesë anëtarëve të përhershëm.
 

< Paraprake		Pasuese >